Adil Şirin : - Yay günəşi altında

Ədəbiyyat 08:08 / 13.08.2025 Baxış sayı: 2615

Yay günəşi altında

Darıxır böyük şəhər.

Göydə günəş,

Dənizdə giləvar,

Ürəkdə kədər...

 

Bu yay günü bu şəhərdə

Küçələr, meydanlar boş,

Dəli həsrətin gözləri sərxoş.

Bu şəhərdə, bu yay günortasında

 

Yalqızam, tək-tənhayam yenə,

Bütün dünya yaddır yabançıdır mənə...

Solğun xatirələr arasında sən,

Gözləri şehli dağ çiçəyisən...