Hər sözün başına ip salmıram mən,

Hər sözü böyüdüb söz eyləmirəm.

Nə bilim, bəlkə də düz eyləyirəm,

Nə bilim, bəlkə də düz eyləmirəm.

Seçir hər kəlmənin yerini, seçir

Şəhdi -şəkərini, balnı seçir.

Yüz sözün içindən birini seçir,

Bir sözü böyüdüb yüz eyləmirəm.

Bağrımın başını sökürəm hər gün,

Gözəllik önündə çökürəm hər gün.

Sözlərin nazını çəkirəm hər gün,

Oturub hər sözə naz eyləmirəm.

Eşqin gülşənində azıb yatıram,

Hər gün dördcə misra yazıb yatıram.

Mən sözü bağrıma basıb yatıram,

Məndə də az yoxdu, az eyləmirəm

2018- ci il.