Elnur  Uğur Abdiyev - Bu Vətənin hər daşına

Ədəbiyyat 12:11 / 03.06.2025 Baxış sayı: 1736

Bu Vətənin hər daşına səcdə edən,

Zəfərini sabahıma müjdə edən,

Adı Vətən,andı Vətən, qanı Vətən,

Şəhid ruhuna qurbanam!

 

Bayraq olub ucalır o evlərdə ki

Nidasıdır: "qoy yaşasın Vətən təki!"

Eşqi ölməz,ruhu enməz göylərdəki,

Şəhid ruhuna qurbanam!

 

Hər baş daşı düşmənimə tuşlanan daş,

Yurd üstündə məğrur dürub qardaş-qardaş!

Zamanın son anınacan ona yoldaş,

Şəhid ruhuna qurbanam!

 

Elnur Uğur, Vətən eşqi elə uca,

Çətin başqa eşq bu eşqdən uca uça!

Ruhunu göy,bədənini Vətən qucan,

Şəhid ruhuna qurbanam!