Əlizadə Nuri : - Dünya boyda imarəti neynirəm?..

Ədəbiyyat 11:35 / 12.07.2025 Baxış sayı: 1332

O söz məni ovsunlamaz, ay adam,

Nə məcazı, nə ecazı yoxdusa.

Bir hecası əsir idi  Vətənin-

Vətən olmur bir hecası yoxdusa.

 

Əl tutmuşduq, oynayırdıq ələmnən,

Bir ləl tapıb böldüm onu lələmnən.

...O, özünü bir gün vurdu qələmnən-

Neynəyəydi tapançası yoxdusa?

 

Dağdan ağır bu minnəti neynirəm?

Sədəqətək sədaqəti neynirəm?

Dünya boyda imarəti neynirəm-

Sənə baxan bir bacası yoxdusa?!