Ehtiram İlham - Tanrım

Ədəbiyyat 09:44 / 25.05.2026 Baxış sayı: 211

Bu dərd deyiləsi deyil,

Sözündən böyükdü, Tanrım.

Bir bəxti şeytan ki, cızıb,

Yazından böyükdü, Tanrım.

 

Nələrə çatdı qüdrətin,

Gözü çıxıb həqiqətin.

Neyləsən də, qəbahətin

Üzründən böyükdü, Tanrım.

 

Belə ki qurdun aləmi,

Elə buymuşsan, deməli.

Şahlıq döy, bir kasıb qəmi

Yüzündən böyükdü, Tanrım.

 

Qana döndü sabahların,

Fəryadı bitməz ahların.

Bu Allahsız günahların

Özündən böyükdü, Tanrım...