Xatirə Rəhimbəyli -Bu bağa yazda gəlmişdim,

Ədəbiyyat 11:28 / 24.05.2026 Baxış sayı: 367

Bu bağa yazda gəlmişdim,

Qönçələri yuxuluydu.

Zərif,lətif yarpaqları,

Həzin nəğmə oxuyurdu.

 

Bu bağa yazda gəlmişdim,

Bu bağ qonaq-qaralıydı.

Bu bağ onda heç bilmədi,.

Mən kim idim,haralıydım.

 

Bu bağ indi qan ağlayır,

Göz yaşları yarpaq-yarpaq.

Bu bağı xəzanlar döyüb

Ağlatmaqdan qurudacaq.

Bu bağ indi kimssizdi,

Təklikdən gözü böyüyüb.

Mən gedirəm, yarpaqları

Düşüb ardımca yüyürür...

1986