Aida Adıgözəl :- Boş ver yağışları, boş ver havanı,

Ədəbiyyat 06:32 / 08.06.2025 Baxış sayı: 1197

Boş ver yağışları, boş ver havanı,

Boş ver buludları, boş ver səmanı

Könlün nəm çəkibsə, yanmırsa atəş

Bəhanə gətirmə dağda dumanı.

 

Boş ver incikliyi, boş ver küsməyi,

Boş ver gen gəzməyi, salam kəsməyi

Səmtin dəyişibsə xəzri, giləvar

Səninçün nə fərqi hardan əsməyi?

 

Boş ver mən aranam, boş ver sən dağsan,

Boş ver, əsas odur -şükür, sən sağsan.

Haçan qovuşdu ki, dağlar arana,

Əllərin ta çatmaz, çox, çox uzaqsan...