Adil Şirin : - O ürək ki, səndə var

Gündəm, Ədəbiyyat 22:10 / 30.01.2023 Baxış sayı: 2006

Torpaq cadar-cadardı,

Sünbülündə dən olmaz.

Duman dağı bürüyər,

Hər dumanda çən olmaz.

 

Axar çaylar qurudu,

Dəyirman dəni üyütməz.

Gül üzlümü səslərəm,

 

Səsim o yara yetməz...

Xatirələr yol gələr,

İllər geri qayıtmaz.

Yüz-yüz gözəl yığışa

 

Ürəyimi ovutmaz.

Məhbəs məzar kimidi,

Yatağım, yastığım daş-

Məni kimsə oyatmaz.

 

Nə bacım, nə qardaşım,

Nə dostum, nə sirdaşım

Çatmaz, dadıma çatmaz.

Ölsəm, qalsam fərqi yox,

 

Bu ürək ki, məndə var,

Səni, səni unutmaz.

O ürək ki, səndə var

Məni, məni unutmaz.