Vasif Süleyman : - ÇATINCA

Ədəbiyyat 09:48 / 15.07.2025 Baxış sayı: 942

 

Bir ömrə dəyərdi tək səni sevmək,

Sevərdim imana, dinə çatınca.

Uzaqdan baxanda mələksən-mələk,

Misraya dönürsən mənə çatınca.

 

O dünya varımdır, bu dünya yoxum,

Yanımda nə qardaş, nə bacı, qohum…

Bəlkə harayını eşidər ruhum,

Halımı sorarsan yenə... Çatınca.

 

Birdən sən gəlincə çiçəklər solar,

Barı, son anımda ləngimə, nolar…

Onsuz da mələklər aparmış olar,

Sən gəlib mən adda qəmə çatınca.