Zəka  Vilayətoğlu - Düşünmə ki, daha ürək qocalıb

Ədəbiyyat 14:40 / 15.11.2026 Baxış sayı: 1021

Düşünmə ki, daha ürək qocalıb

Hələ sevgimizdən söz etməyi var.

Atəşinlə yana-yana, illərdir

Bağrımın başını köz etməyi var!

 

Üzün görcək lalə sevgim allanır,

Qocalığın qol-budağı sallanır,

Bu məhəbbət il ötdükcə ballanır

Ömrü təravətli yaz etməyi var

 

Yay gecəsi, ağac altı, yel əsir,

Saçlarından ayrılıb bir tel əsir,

Heç bilmirəm illər hara tələsir,

Yəqin yaşı doxsan, yüz etməyi var!