Xəyalə Sevil - Səssizliyin artdıqca
Ədəbiyyat
10:10 / 17.09.2026
Baxış sayı: 574
Səssizliyin artdıqca
Düşünməyə başladım.
Düşündüm ki, nə qalır
Səndən, məndən geriyə?
Necə bölək bu dərdi,
Bu həsrəti yarıya,
Eyni düşsün hərəyə?..
Qoyma yadından çıxım,
Ürəyinə yaxın tut.
Eh, verdiyin sözlərin
Demirəm hamısını,
Heç olmasa çoxun tut.
Arada bir xəbər al,
Yolux, yoxla, necəyəm?
Adam bir neçə gündə
Unuduldularmı bəyəm?
Səssizliyin artdıqca
Öz gözümdən düşürəm.
Bəs sənin gözlərində
Yerim qalıbmı, görən?!
