Tapdıq ƏLİBƏYLİ - XATİRƏLƏR - YOL YORĞUNU BİR QƏRİB
Ədəbiyyat
10:55 / 23.09.2026
Baxış sayı: 183
Xatirələr xəzan sayaq boylanır,
Xəyallarım xatirəyə boyanır,
Duyğularım nisgilərdən boy alır...
Xatirələr - yol yorğunu bir qərib...
Arıya bax, xumar olub gül üstə,
Fikir sözlə çiçəkləyir dil üstə.
Fəsil-fəsil il gəlirsə il üstə,
Xatirələr - yol yorğunu bir qərib...
Xəzan gözü şiş, yağmurdan nəm çəkib,
Bir sevincə, bir kədərə çən çöküb,
Şair Tapdıq ğoy üzünə göz dikib...
Xatirələr - yol yorğunu bir qərib...
