Düşüncələr

Paxıl...ay paxıl...

İçin bütün pas,paxır...

Pasını,paxırını heç nə təmizləməz, Vallah...

Nə sumbata kağızı ,nə qalaylamaq...

Sakitcə otur yerində ,qaxıl...

Unutma yuxarıdan Allah baxır...

Unutma ay paslı,paxırlı paxıl,unutma...

=

Səndən yuxarıda dayanan mənəvi zəngin insanlara tüpürmə.Tüpürcəyin qayıdıb öz üzünə düşəcək...

=

Tamahkar adamlar əzizlərini itirməkdən çox,yığdıqlarını itirəndə kədərlənir,dərd çəkirlər...

=

Elmsiz adam elmi məsləhətlər verirsə,ağılsız adam ağıllı adama nəsihət edirsə,namussuz-qeyrətsiz adam namus-qeyrətdən mühazirə oxuyursa,bu artıq faciədir.

=

İki nəfər öz aralarında yavaşdan söhbət edirlərsə,bu söhbət də ,qeybət də ola bilər...sirr də...səmimiyyət də...

Onlara yaxınlaşmaq məsləhət görülmür...

=

Sənin olanı əlindən alandan sonra yaranan əmin-amanlıq elə müharibə qədər dəhşətlidir...

=

Ən böyük acizlik sənin ola-ola ,bir addımlığında ola-ola onu görə bilməməyindir...

=

İstər bir otaqlı,istər çoxotaqlı neçə-neçə mənzillərin ,mülklərin ,imarətlərin olsun ,yaxud heç evin olmasın ,onsuz da sonda təkadamlıq mənzildə əbədi yatacaqsan...

Amma o zaman şansızlar da olur...

=

Həyata keçməyən,qocalıb qarıyan arzularıma qurd düşüb...

=

Çox dolmuşam...Mənim bulud gözlərimdən yağacaq,dolu yağacaq...döyəcək sinəmi...döyəcək...

=

Gözlərini hey döyür...döyür...amma xeyri yoxdur...

Gözləri sözünə baxmır...doymur ki,doymur...

=

Üzünə açılan qapıdan içəri zamanında daxil ol!...

Yaddan çıxarma: ya qapını üzünə bağlayarlar ,ya da qapı özü avtomatik bağlanar...