Yanlış yollarda yanlış adamlarla,

yanlış addımlarla yerimək, yürüməkmi...

yanlış işlərə qol qoyub

yanlış fikirlərə düşməkmi,

yanlışlığa öyrəşməkmi...

bilmirəm dünən, ya bu gün yanlış,

yalan danışmazsan, amma

özünü yalana inandırmağın yanlış...

olur, öz qapını açdığın zaman,

yanlış yerə

gəldiyini sanırsan.

kiməsə

sayğı-sevgiylə baxırsan yanlışlıqla,

bəzən əl də sıxırsan yanlışlıqla...

ya yıxılanda da

yanlış bir yerdən tutmaqmı

və bir təhər ayağa qalxıb

yenə yola

yanlışlıqla davam etməkmi;

yanlışdı, yanlış...

bir də həyatında kim yanılmamış;

sən

yanlış da bir naxışdı deyib

keçdin elə üstündən...