hərəkətdə olmaq gərək,

sürət yaxalamalısan ləngliyindən də...

hərəkətdə olmaq gərək, hə,

sağına, soluna hey diqqət edib.

irəli düşdünmü

düşün bir addım

uzun-uzun yollar qət edib...

hərəkətdə olmaq gərək,

öncə

ayaq üstdə

qalmaq gərək;

həmişə bir can atma,

özünü keçmə cəhdi,

səmada gəzib yerdə uçma cəhdi...

hərəkətdə olmaq gərək,

gözləməmək,

gözə almaq hər şeyi,

izləməmək,

iz qoymaq bir ulduzda,

bir sözdə...

həlqələri qırmamaq,

ayırmamaq

bir-birindən...

əl uzatmaq,

bir-birinə gül uzatmaq--

olmamaq bir-birindən!..

Yığcam Göstər