Ağaevli Əli Hacı - Vaxt olmur ki,söhbət edək

Ədəbiyyat 12:00 / 30.07.2026 Baxış sayı: 373

 

Vaxt olmur ki,söhbət edək,

bulanıq sudan keçirəm !

Ürəyin harda döyünür ?!

döyülüb qandan keçirəm !

 

Hər gün təzə gəlmir sabah,

Köhnə dünya,köhnə Allah !

Hələ ki,görünmür qabağ,

hər günə yandan keçirəm !

 

Varına ac- yalavacım,

Bəxt dediyin-ömür acım !

Sirr qoymadım,sirri açım,

sonraya candan keçirəm !

 

Özün elə şum özünü,

yandır bəxtə şam özünü !

Tanıdınsa,yum gözünü

dünyamı andan keçirəm !

 

Bitər,bitməz özü bilər

itər-itməz sözə gələr !

Vallah,ömrüm gözə gələr,

əvvələ sondan keçirəm !