Şakir Xanhüseyn - MİNİCİKLƏR

Ədəbiyyat 19:06 / 12.09.2025 Baxış sayı: 4953

***

dostluqlar getmir?

bir-birimizçün əhəmiyyətsiz olmuşuq...

***

yox, biz dözümlü deyilik,

sadəcə,

hələ bezməmişik...

***

saç ağ, bel bükük,

ovurd çökük...

***

istəmədən oldu hər şey,

istəyərək olmadı...

***

getmə, Allaha ağır gedər...

***

Bilsən, yollar da bir yaradı sanki,

addımlarımızı duz təki

səpirik bu yaraların üstünə...

***

hə, kölgən yüngüldür,

çox ağırdı, çox...

****

hara gedirsən get, bir yerə getmə...

***

Gedirsən?

Ayrılığı da özünlə apar...