ÇİN SƏDDİ

bir addım atıram, ikincini də,

bir ümid yolundakı Çin səddini

aşmaq bəzən diş-dırnaqla...

düppədüz yolda

bir neçə Çin səddini keçməyin olmadımı heç?

olur, iki qəlbin qovuşuğunda

Çin səddi ucalır...

bir-birinə baxan gözlər,

üst-üstə düşən izlər arasında Çin səddini gör!

bizim taleyimizdən axıb gedən bir çay var,

Çin səddindən betər;

arzulara, xəyallara,

yollara belə yol verməz!

Çin səddi təkcə olduğu yerdə deyil ki,

olmadığı yerlərdə də var;

insanlar

həm də aralarında dikəldir Çin səddini...

evinin qapısı ağzından

içəri keçməyə Çin səddinin üstüylə

yürümədinmi, yahu!

kimdi, ya kimlərdi bu

sədləri ucaldanlar,

bu sədlərin himinə daşı ilkin atanlar?

bir də özünü aşmaq deyirlər ha,

Çin səddini aşmaqdımı, əcəba?..

ah, bu sədlər,

sərhədlər heyy,

hədlər heyy!..