Kəmaləddin Qədim - TORPAĞIN ALTI YOLDUMU
Üzmü var bu gün-dirrikdə
durub Tanrıya gedəsən?
Ola-ola vətənində
qərib Tanrıya gedəsən...
Borc bir canı bilə-bilə,
Əridəsən gilə-gilə.
Dörd yanını günah ilə
sarıb Tanrıya gedəsən...
Girəsən bir dam içinə,
Ram olasan, ram, içinə.
Sübh tezdən adam içinə,
qürub Tanrıya gedəsən...
Oldumu canım, oldumu,
Sonun, sonucun gordumu?
Torpağın altı yoldumu
varıb Tanrıya gedəsən?.