Dərdlərim "toy" tutur mənə...bu "toya" gələn də yoxdur...

"İnamlarını itirənləri,inamları ölənləri,ümidlərini kəsənləri ,itirənləri " cəzalandırmaq üçün qanun qəbul edilsin...

=

Əvvəllər şalvarı cırılanlar narahat olardılar...

İndi cırıq şalvar ala bilməyənlər narahat olurlar .

=

İndi hər şeyin "naturalnısı " da var," kitsayskisi " də...

Elə insanların da...

İnsanların "kitayskiləri " getdikcə artır.

=

Hər oxuyan nə Molla Pənah olar ,nə də ki,məmur...

=

Mənim içimdə özlərinə yurd salan dərdlərimi qidıqlayıram ... qıdıqları gəlir,gülürlər...

=

Evdə "isladılmış kişinin " bayırdakı yağışdan nə qorxusu.

=

Tünd xasiyyəti olan qadın öz ərini çatladar...

( Tünd sirkə isə öz qabını..)

=

Elan:

Bir vəzifə "alana" biri də hədiyyə...

=

Bu siçanlara bax ee...

Elə bil yer qəhətdir onlara...

Gəlib ciblərimizdə oynaşırlar.

=

Bir yaxın yoldaş var.Deyir ki," mən öləndə ,öldüyümə

tam əmin olandan sonra dəfn edin.Birdən ayılaram qəbirdə ,qaranlıqda ürəyim partlayar."

=

Rüşvətin qarşısını almaq məqsədilə qəbul olunan qanun-qərarlar ,onun məbləğini daha da artırır.

=

Pula,vəzifəyə,yeyib -dağıtmağa yerikləyənlərdən ,sonradan yelinləyənlər də olur.

=

İnsan bekar,işsiz olanda ,onun vaxtı olmur.

Çünki bütün vaxtını bekarçılığa sərf edir.

=

Ədalətsizlik ədaləti qatı cinayətkar kimi mühakimə edərək,uzun müddətə azadlıqdan məhrum etmişdir.

=

Yuxarıda oturanlar aşağı təbəqə ilə,məmurlar ,millət vəkilləri xalqla məzələnir.

Bir yandan da gah külək,gah da yağış məzələnir bizimlə...

Məzəniz olsun...

=

Yolnan gedən qadını "yoldan çıxarmaq " istərkən ,sürücü maşını yoldan çıxarıb.

=

Bəzi qızlar alnı açıq gəzməkdənsə,qarnı,göbəyi açıq gəzməyi daha çox xoşlayırlar.

=

Kişi var, ailəsində kişidir,ailə başçısıdır,böyükdür.

Kişi var,ailədə inventar kimidir,hara qoysan orda durar.

=

Pis arvad elektrik qısa qapanması qədər qorxuludur .O təkcə öz evini,ailəsini yandırmır.

Qarşısını almasan ,qonşuları da yandırar.

=

Gələcəyin ailəsi: robot ər-arvad,robot uşaqlar...

=

Bu il deyəsən turp bolluğu olacaqdır.

Ərinin başında "turp əkən " qadınların sayı artmağa başlayıb.

=

Dünən əsən yel çox güclü idi.

Amma başımıza qoz yox,bolluca toz tökülüb...

P.S."Yel əsib,qoz tökülüb" xatırladım.

=

İnsan yaşa dolanda nəinki "qan qaynayan" vaxtı( yəni yazda),heç yayın cırhacırında belə "qanı qaynamır "

Bir kimsənin də ona "qanı qaynamır".

=

Sevgilisinin saçını həmişə öpüşlərə qərq edənin ,xörəyinin içindən bir tük çıxanda övkəsi ağzından gəlir .

=

Deyirlər :

səbri,hövsələsi çatmadı,darıxdı...

Elə insanlar üçün belə də deyirlər:

balaladı,quzuladı...

=

Keyfimə "qayıb" yazdım,dünən yox idi...

=

Qəssabların devizi:

"Əti mənim,sümüyü sənin"

=

Qadın var ki, ağları "ağ yuyub,qara sərir...

P.S."Səni ağ yuyub,qara sərərəm" xatırladım

=

Bəzən ünsiyyət qurmaq üçün dil kifayət eləmir,həm də pul gərək olur.

Pulun varsa ,çoxları sənlə ünsiyyət qurmaq istəyəcəklər.

=

Dedilər ki," yeriyəndə ayaqlarının altına bax"

Bədbəxt oğlu yol gedəndə on -on beş dəqiqədən bir dayanır,ayaqqabılarını çıxarıb,ayaqlarının altına baxır.

=

"Dinmə,danışma ,yat bala",

Yoxsa atarlar Bayıla.

=

Bir var,evdə xoruz olub ,bayırda toyuq olanlar...

Bir də var həmişə "xoruz " olanlar...

=

Bəzən isti havalarda "dodaqlarını " irəli uzadıb,"puufff" eləyib, sərinliyənlər də olur.

=

Bir toy şənliyindən:

Aparıcı müğənni açılışda oxuyur:

"Yar yaman aldatdı məni."

Gəl indi başa düş...

=

"Babası ona kor deyib",

Talan elə yığ,vur,tut,qorxma ...

Sonra da məni "gör"- deyib...

=

Belə bir deyim var:

"Xoruz olmasa ,səhər açılmır?"

Bakıda da şəhəri "xoruzlar" açır...

=

Birdən "it ağzından " çıxan gəlinlik paltarları dəbə minsə...

( cırıq-cırıq şalvarlar kimi)...