Əbülfət Mədətoğlu - DANIŞIR
Ədəbiyyat
10:49 / 01.07.2026
Baxış sayı: 475
Bu bir möcüzədi, ya da nağıldı
Gözümün içində gözün danışır..
Hər yandan gözümə gözün baxırdı -
Gözlərin gözümün sözün danışır!..
Əsən Xəzirimi, yoxsa gilavar
Nə yaman olubdu gözün dilavar!
Kipriyin ucunda iki gilə var -
Onlar bir -birinə özün danışır...
Kükrəyir içimdə min illik həvəs
Gözüm gözlərindən aldıqca nəfəs!
Əbülfət, gözünü sən öymə əbəs -
Adından çınqın, gah közün danışır!..
