Əslində göylərdə qeyb olur qiyyəm,

Dağ yarıb sal qaya çapmadım, oğlum.

Bir dünya qürbətdi sənə hədiyyəm,

Əl boyda boş vətən tapmadım, oğlum.

Bəlkə mollalıqdı papazlıq bu iş,

Bəlkə də çüylükdü, ya pazlıq bu iş.

Dünya var olandan qapazlıq bu iş,

Heç nəyi əl atıb qapmadım, oğlum.

O kimdi Haqq deyir, nədi Haqq, tapa,

Əqidə o deyil yolundan sapa.

Çoxdu dal çevirib üz tutan yapa,

Mən ikiüzlülük yapmadım, oğlum.

Yox e, qəti olmaz...

olan qət oldu,

Zəhər püskürənlər dili mət oldu.

Hamı sərvət oldu, var-dövlət oldu,

Vardığım Haqq yoldan sapmadım, oğlum.