1

KİMSƏN

üst-başını ara, kimsən,

özünü

çək sorğu-suala, kimsən...

yerindən yavaşca qalx,

yandır çıraq

və kimliyinə bax,

kimsən.

bir şeyləri sal yada,

ya bir səsi,

bir sözü xatırla,

kimsən.

alnın tez-tez

düyünlənib qırışmasın,

fikirlərin qarışmasın,

axı, kimsən?

2

***

ağaca bax,

yarpaqları coşur, dalğalanır,

kökləri coşquyla axır torpağa,

gör a...

bir coşğunluq hakim dağlarda;

dağlar daşlarıyla hər yanı basıb...

ayaqlar yollarda qaynaşır,

elə coşqulu ki, quş yuvaları...

quşlar qatarlanıb səmaya daşır,

elə tək-tək də...

evdə ocaq daşır,

daşır birdən buza dönərək.

quyular adamlarla dolub-daşır;

dördəlli yapışıb

kimsə dünyadan

bir əli ilə,

yad kimi davranır

bütün sevdikləri ilə...