Allah mənə aləmdə sərvət kimi söz verdi,

Qəlbimdə doğan eşqi, yandırmağa köz verdi.

Ömrün yolu zillətdi, işgəncə, əziyyətdi,

Kimlər ki, əzab çəkdi, öyrənməyə "biz" verdi.

Sabitqədəməm, çünki, Canan məni nəqş etdi,

Yol çəkdi çətinliklə, bir xəttini düz verdi.

İslami- şəriyyətdə Nəvva qalıb avvarə,

Şəkkərdi deyib yerdə çox adəmə duz verdi.

Peyğəmbərə vəhy ilə çatdırdı Xuda elmi,

Öyrəndi kəlam əhli, çox qanunu "düz" verdi.

Bə'zən düşünür bəndə, dünya nəyə lazımdı?

Ancaq Yaradan yolda hər canlıya iz verdi.

Ay doğdu, yerin üstə nur saldı qaranlıqda,

Kortək bəşəriyyət də yerdən göyə toz verdi.

Şükr eyləyirəm, sadə oldum bu cəmiyyətdə,

Tomris kimi qeyrətli, Tanrım iki qız verdi.

Hər kəlməsi mə'cundu, hər cümləsi ləzzətli,

Lilpar qəzəliyyatda iz qoymağa "söz" verdi.