Ayaz Arabaçı: - Yaddaşırıq

Ədəbiyyat 16:33 / 02.03.2024 Baxış sayı: 2037

 

Düşünürəm hey, bu haqda,

Salam saxta, kəlam saxta,

Boynumuza almasaq da ,

Vallah qardaş, yaddaşırıq.

 

Nə şum birik, nə dən birik,

Gələmmirik, gedəmmirik,

İstəsək də edəmmirik-

Zamanla baş, yaddaşırıq.

 

Görünsək də boyumuz şax,

Zaman əyir yumşaq - yumşaq

Ögeyləşir oğul-uşaq,

Keçdikcə yaş, yaddaşırıq..

 

Hərə düşür bir tuzağa,

Kim yaxına, kim uzağa,

Dönüb tək-tək yalquzağa,

Yavaş- yavaş yaddaşırıq.