ÜÇ RƏNGLİ BAYRAQ - Ələddin Əzimli

Ədəbiyyat 10:49 / 10.11.2026 Baxış sayı: 701

 

Havada

bir əsim külək yox,

titrəmir, tərpənmir

bir yarpaq belə.

Sükutu əridən

şam da, çıraq da belə.

Əlimdə tutduğum

ağappaq varaq da belə.

Gözüm seçən qədər

yaxın da, uzaq da belə.

Kölgələr

elə bil tablo,

düzülüb torpağın üstə.

Donub boğazımda

sanki nəfəs də.

...İçimdə

qəfildən bir bayraq

çırpınıb qanadlanır,

uçurur səmaya məni.

Bir də baxın

Millətin,

Cumuriyyətin

ruhundan qopan

Üç rəngli bayrağa!

Gör necə qaldırır

Himn oxuyan milyonlari -

Azərbaycanı ayağa!

20 yanvar 1990