Tural  Cəfərli -Sən gedəndə bu şəhər

Ədəbiyyat 14:02 / 30.09.2026 Baxış sayı: 653

Sən gedəndə bu şəhər-

Ovcuma sığışırdı.

Bayramda qonum-qonşu,

Bir evə yığışırdı.

Sən gedəndə bu şəhər-

Qaynayıb-qarışırdı.

Kin tutmurdu adamlar,

Küsənlər barışırdı.

Səndən gedəndə bu şəhər-

Hələ ümid verirdi.

Yorğun düşən arzular,

Bir az nəfəs dərirdi.

Sən gedəndə bu şəhər-

Yollara gül toxuyan,

“Motsart”, “Şopen” dinləyən,

“Hüqo”, “Kafka” oxuyan,

Bilinməyən sirr idi,

Qəribə bir yer idi…