...bir yay səhərindən sonra,

artıq oğlum səndən sonra

heç sevgim qalmadı fani dünyaya

səsim, ünüm qərib gəldi

unutduğum o çöllərə, dağa, daşa

söznən uduzdum hər şeyi

mən indi görürəm, indi bilirəm

ruhu təltif sözünən

çıxmaq olmur dərdi başa...

.............................

alına yazılıb, baxta yazılıb

kimi dövlətdə, kimi sözdə möhtəşəm

qarışqa dən dartan kimi

ağ kağıza söz çəkməkdi

mənim işim, mənim peşəm...

.............................

qəlbdən, candan, ətdən, qandan

doğulan söz

vurdular tökülən qanı olmadı

sıxdılar boğulan canı olmadı

deyirlər əkizik, deyirlər tayıq

qardaş belə olmur, dost belə olmur

birimiz yuxuda, birimiz ayıq...

.............................

bu, yıxacaq belə kimi

bu ayaqdan ələ kimi

daşdan ağır şələ kimi

yol gedirəm bu sözünən...

...alıb yuxumdan aparır

tutub yaxamdan aparır

dartıb çuxamdan aparır

yol gedirəm bu sözünən...

...dəryadan yel atı çıxır

gün düşür qanadı çıxır

özü zindan, adı çıxır

yol gedirəm bu sözünən...

...dədə, söylə, danış ki sən

birin, onun, yüzün... gedir

dağın gedir, düzün gedir

söz çəkirsən, sözün gedir

gecən və gündüzün gedir...