Sevil Azadqız - AVQUSTUN SONU

Ədəbiyyat 10:21 / 31.08.2026 Baxış sayı: 1411

 

Avqustun sonudur... Ömrün payızı,

Üşüyür masamda soyuq bir sükut.

Divara çəkilən kölgələr yazı,

Hardasa can verir sonuncu ümid.

 

Yorğun bir karvandır göydə buludlar,

Süzülür fənərin sarı nurunda.

Yağışın pıçıltı göz yaşları var,

Gecənin qəribə, lal hüzurunda.

 

Düşən yarpaqlarda bir pıçıltı var:

"Hər bitən bir başlanğıcdır" – pıçıldar.

İndi pəncərəmdə rəqs edir külək,

Küləyin qoynunda can verir ürək.