ŞAHNAZ ŞAHİN - Uzağa üzən gəmilər
Ədəbiyyat
14:00 / 05.11.2026
Baxış sayı: 436
...
Uzağa üzən gəmilər,
Çağırsam gəlməz.
Bu dünyanın tikanı da
Üzümə gülməz..
İndi yaman acizləşib,
Sevən adamlar.
Gizli intihar toxuyur,
Aşkar dualar.
Üstümə atıb gedir,
Qız uşağını.
Küsdürüb yola salırlar
Haqq aşığını...
Sınıb tökülür yerə,
Musiqi dərsi.
Hər gün boğulur içim
və..
sevmək həvəsi..
Dəmir ledi qoyurlar,
Qadın yerinə.
Burax əllərimi yazım
Ağ tellərinə.
Oxşayır,bizə oxşayır,
Dünya bir dəli!
At cibinə,düşüb itsin,
Eşq bir kəlməlik!
2017 05 NOYABR
