Səni necə axtarmışam,

Bilməzsən, daha bilməzsən.

Bu gövdəli ayrılığı,

Bu köklü ahı bilməzsən.

Necə dizin qucaqlayıb,

Necə hönkürüb ağlayıb,

Bilməzsən,

bu yaralı qəlb

Səni necə soraqlayıb.

Bağrı yananda həsrətdən,

Sanıb çıxacaq qarşına.

Bilməzsən, ciyərdolusu

Səni çəkibdir başına.

Necə çöküb öz içinə,

Necə qapanıb, bilməzsən.

Tanrını unudub bəzən,

Sənə tapınıb, bilməzsən.

Bəlkə sən də ömür boyu

Onu axtarıb gəzirsən,

Gəl, bilək, könül adamı,

Hansı yetimsən-yesirsən?!