Danışmağı bacarsa da lal olan,qulağı eşidə -eşidə kar olan adamın gözləri görsə də kordur.

Qəlbi kordu...

=

Şoranlıqda toxum cücərmədiyi kimi,kin -küdurətli ,xain,paxıl insanların qəlbində sevgi bitməz.

=

Suyun üzünə yazı yazdın ,yaxud qulaq asmayana öyüd-nəsihət verdin...hər ikisi mənasızdır...

=

Ayağının sürüşməməsi üçün sürüşmə məkanından uzaq durmalısan.

=

Unutqan adam laqeyd adamdır,diqqətsiz adamdır,biganə adamdır,yaxşılıq anlamayandır.

=

Əgər pulun yoxdursa,yaxud səndən asılı bir işləri yoxsa,insanlar sən danışanda susub,özlərini dinləyənlər kimi göstərəcəklər.

=

Özünə inamın ,gücün nə qədər çox olsa da,etibar etdiyin bir kimsənin olması çox önəmlidir,mütləqdir...

=

Özünü əlçatmaz hesab eləmə!

Unutma ki, ağacın əlçatmayan yerlərindəki meyvələri qarğa-quzğun yeyir.

=

Qılıncdan iti baxışdansa, bir kəsərli sözün ola.

=

Əgər bir insanın həyası azala-azala ,həyasızlaşırsa,deməli onun günahları arta-arta gedir.

=

Ağzı göyçəklər ( "ağzıgöyçəklər") siması,ağlı,düşüncəsi,əxlaqı göyçəkləri bəyənməzlər.

=

Bir şirinin xətrinə yüzlərlə acı yemək həmişə xeyir gətirmir...

Həyatın boyu acıları həzm edirsən,şirinə əlin çatmır...

=

Var düşünüb-daşınıb,danışanlar...

Bir də var düşünüb-daşınıb,daşıyanlar...

P.S.Xaricə daşıyan məmurlar.

=

"Dişin batmırsa" ,girişmə!

Dişlərini sındırmağın cəhənnəm ,başını itirərsən,batlrarsan.

=

Anadangəlmə karın qulağına hikmətli sözlər deyən kəsin ağlından söhbət gedə bilməz ...

=

Soyuq da,şaxta da kəsir insanları...

Saxtakarlıq da,şaxta da...

Birincisi soyuq aylarda olur.

İkincisi ilboyu.

Birincisindən qalın geyinməklə qorunursan...

İkincisi ömrümüzü kəsir,ömrümüzü...

=

Arxın suyu kəsiləndə bənd-bərəni yoxlaya-yoxlaya,gedib dəhnəyə çıxırlar.

Dəhnəniz dağılmasın,çeşməniz qurumasın!

=

İçim özümü yandırmaqla davam edir...amma çölüm daha özgəni yandırmır...

Yaş o yaş deyil ,axı?!

=

Əvvəllər qorxudan "siçan deşiyi" axtarardılar...

İndi bilmək olmur ki,qorxanlar yoxdur,yoxsa boş "siçan deşiyi " qalmayıb?...

=

Təəsüf ki,zamanla ayaqlaşa bilməyənlər günahı özlərində deyil,zamanın sürətində,onun tez ötüb keçməsində görürlər.

=

Çulumuzu sudan birtəhər çıxarıb,suyu süzülə-süzülə ,kor-peşman gəzib yaşadığımız günlərimiz də olub...var...

yenə olacağı istisna deyildir...

=

Xoş,ürəkaçan günlərimə yenə çor dəyib,canlarına azar dolub.

=

Həyatda hər şeyin ( canlı,cansız) gözləri var.

Sadəcə o gözləri ,ürəyinin və ağlının gözləri ilə baxsan ,görərsən...

=

Bizdə olan hər hansı bir əşyanı özgələrinə verməmək üçün çox vaxt bəhanə kimi işlətdiyimiz kəlmə:"mənim deyil,baçqasınındır".

=

"Qarnı( içi) qurdlu meyvələr- meyvələrin yaxşısı.

Qarnı qurdlu adamlar - adamların pisi.

P.S.Meyvələrin yaxşısına qurd düşər.

=

Bir var "duza gedən adam"...

Bir də var Masazır gölünə duz yığmağa gedən adam...

=

Təzyiq altında səhvlərini etiraf edən adam haqqında "düz yola qayıtmışdır" -deyə düşünmək ,ən azı sadəlövhlük olardı.

=

Danışmaq ,öz sözünü deyə bilmək üçün dil,dodaq,ağız...kifayət eləmir.

Gərəkdir mübariz olasan ,qorxmaz olasan,ürəkli olasan...

=

Tək yaşasan da,səni sevənlərin varsa ,tənha deyilsən,yaşamağa dəyər.

Tək yaşamayıb,sevilmirsənsə,bu tənhalıqdır,bu faciədir.

=

İnsanın başına gələn faciələrin əksəriyyəti "qorxma,heç nə olmaz" düşüncəsindən ,laqeydlikdən yaranır,baş verir.

=

Dərdlərim də ağ eləyib,şitini-şorunu çıxarıblar...

=

Həyatda qolumdan tutub gedənlərin sayı ,qolundan tutub getdiklərimin sayından qat-qat çoxdur.

Nə yaxşı ki,elədir.

=

Hər açıq gördüyün qapıdan içəri soxulma.

Üzünə açılan qapılardan keç.

=

İnsanın "yarı " olan ,"yarısı" olan illərdən sonra onun üçün "yara" olursa ,bu artıq dözülməzdir,faciədir.

=

Sevincimin zəmisini dərdlərim biçib ,daşıdı...başağı da qalmadı...

=

"Sərxoş başda ağıl olmaz"- deyiblər.

Məncə "ağıllı başı olan da sərxoş olmaz".

=

Hündürmərtəbəli bina da var...hündürmərtəbəli söyüş də...tərif də...

=

Elə məqamlar olur ki, bəzən gözlərinlə aşkar gördüklərini inkar etməli olursan,işin xeyrinə edirsən.

=

İnsan kimi yaşaya bilmirsənsə,qoyun kimi qurbanlıq ola bilərsən ...

=

Vaxtilə "çullarını sudan güclə çıxaran " insanların indi kürklərinə ( dublyonkalarına) su da dəymir,qupqurudur.

P.S.Kürklərinə birə düşməsi ehtimalı var.

=

Şad,sevincli günlərimdən uzun müddət bir xəbər olmadığından "itkin düşmüş " hesab edilsin.

=

Bizim unutqan olmağımız yaltaqlıqla eyni dərəcədə təhlükəlidir .

Odur ki,təhlükə başımızın üzərindən heç vaxt sovuşmayacaq.

=

Əvvəllər kitablara üz çəkib,onu korlanmaqdan qoruyardılar.

İndi oxunmayan kitabları qorumağa ehtiyac yoxdur.

=

Bəzən bizi soyuqdan qoruyan paltolar,köhnələndə ayaqlar altında şəlpə kimi istifadə olunur.

=

"Ağıllı ol"- deməklə insan ağıllansaydı,dünyada ağılsız adam qalmazdı.

=

Kiçik cinayətlər isti-isti açılır,böyük cinayətləri açmaq üçün isə zaman,şərait gərəkdir .

Çünki bu cinayətləri adətən ,əksər hallarda böyük vəzifə daşıyan insanlar törədirlər .

=

Mobil operatorlar da var,mobil telefonlar da,çoxlu sayda telefon nömrələri də...elə bizə nömrə gələnlər də...

=

Dərdim bərk xəstələnib, halı pisdir,boğazından bir damcı su da keçmir.

=

Silahın varsa ,o sənin güclü olduğunun göstəricisi deyildir.

Ağılla güc bir yerdə möhtəşəm olur.

"Ağılsız güc işıqsız göz kimidir".

=

İnsanlıq səviyyəsindən aşağı düşən insan ,alçaqlığa yol alıb,gedir.

=

Başları gündəlik yemək-içməyə qarışan ( çox zaman müftə) insanlar sırasında ürək dostlarının olması məncə ağlabatan deyildir.

=

Əgər özlərini "dost" hesab edən iki insan arasında qarşılıqlı diqqət yoxdursa,hörmətdən,etibardan,inamdan...söhbət belə gedə bilməz.

Bu nə dostluq,nə də yoldaşlıqdlr.

=

Tanışların olan iki nəfər söhbət etdiyi zaman ,sən onlara yaxınlaşanda ,danışıqlarına ara verirlərsə ,düşünmədən oradan uzaqlaşmalısan...mane olursan...

=

Əgər sən xöşbəxt olmaq üçün mübarizə aparmağa qətiyyətli deyilsənsə və inamın da yoxsa,çətin ki,xöşbəxt olasan.

=

Öz şəxsi fikri,düşüncəsi olmayan "tutuquşu " kimi başqalarının dediklərini təkrarlayanlardan nəsə faydalı iş gözləmək inanılmazdır.