Əşrəf  Veysəlli - Gəlmədi

Ədəbiyyat 09:19 / 14.07.2026 Baxış sayı: 310

Təyyarələr çıxdı yoxa,

Qatar gəlmədi,gəlmədi.

Bütün yollar gözlərimdə

Yatar,gəlmədi,gəlmədi.

 

Harda qaldı? Hanı? Hanı?

Dərd sökər oğul tikəni.

Gözümdə həsrət tikanı

Bitər,gəlmədi,gəlmədi.

 

Quruyub quru yolları,

Bağlanıbmı su yolları?

Mənim ahım bu yolları

Tutar,gəlmədi,gəlmədi.

 

Ürəyim xəstə, üzülür,

Səksənib səsdən üzülür.

Çıxıb qəfəsdən özünü

Atar, gəlmədi, gəlmədi.

1999-cu il