İndi nə oldu ki, geri qayıtdın

yazıq bınövşətək bükdün boynunu

Mən ki yüz fitnəni yola vermişəm,-

guya bilməyəcəm sənin oynunu?

Soruşdun, dinlədim... dindin, dinmədim

əyildin, əzildin, endin... enmədim

sən elə bildin ki, mən heç bilmədim

qurda tapşırmısan çöldə qoyunu?

Solumda, sağımda, önümdə durdun

gölgəmdə gizləndin, günümdə durdun

gözdən uzaq düşüb könlümdə durdun

isidə bilmədin yenə qoynumu.

Ay sözü özü tək titrək gələnim

lo ilə gedənim, ürkək gələnim

mənli xatirəyə söykək gələnim

yenə atıb oxu, çəkdin yayını?..