Ehtiram Ilham - ÇEVİR

Ədəbiyyat 12:45 / 06.10.2026 Baxış sayı: 578

Kiməsə nahaqdan ağız açmadım,

Hər fəryad-ahımı başına çevir.

Özüm pampax oldum, qazanmadığım

varımı-yoxumu başına çevir.

 

Doğrudan danışdım, halaldan dedim,

Haqqın dərgahına belə də gedim.

Gələn dünənimdən yan keçirmədim,

Ötən sabahımı başına çevir.

 

Bir mafrax can qalıb, haracan çatar?

Boş-boş nağıllarla başımı qatar...

Balalarına qurban bir Ehtiram var,

Mənim qul haqqımı başına çevir.

3.10.26.