Əbülfət Mədətoğlu: - SEVGİMİ
Ədəbiyyat
08:51 / 19.07.2023
Baxış sayı: 1911
Göz yaşımda suya çəkib didəmi,
Köklənim mən "do"-da, yoxsa "si"-dəmi?!
Haqlı sayıb bu edilən sitəmi -
Yaşayıram, sevə-sevə , SEVGİMİ!
Əlim gəlmir ah dalınca daş atam,
Ah özü də daş biçimli, daş adam!
Sevgim mənə güc verir ki, yaşadam -
Yaşayıram, sevə-sevə , SEVGİMİ!
Gözüm, könlüm bir şəkilə çərçivə
O, şəkili öpürəm mən ərk ilə!
Ümidlənib, havalanıb hər cürə -
Yaşayıram, sevə - sevə , SEVGİMİ!
