Qışın dərdləriydi qara buludlar ,

Yaz gəlib ağ rəngə boyadı bir - bir .

Hər gün yük daşıyan qarışqalar da ,

Halal yaşamağın bir təsviridir .

Hər zaman qəzasız yol gedir yollar ,

Sanki , sürücü tək imtahan verib .

Yollar nigahlıdır səkilər ilə ,

Yatıb bir yataqda , ömür , gün sürür .

İsa tək atası yoxdur həyatın ,

Elə doğulandan almayıb soyad .

İnsanlar boğulur tənhalığından ,

Adam dənizidir sanki , bu həyat .

Hələ bu dünyada Arazlar axır ,

Durub ayrılıqlar Çin səddi kimi .

Həyatla aramda ölüm böyüyür ,

Boy atır ömrümün sərhədi kimi .

26 . 04 . 2026