Çətinləşib qapı açmaq, yol keçmək

Nə ayağım, nə də əlim həmindi...

Sağı gördüm, bacarmadım sol keçmək -

Sol sənindi - həm o zaman, həm indi!..

Sıralanıb kipriklərdə tumurcuq

Göz qırpmagın qorxusunu yaşıyır...

Son ümidim boynundakı göy muncuq -

Baxışımı özü ilə daşıyır...

Ağrı sorur dizlərimin gücünü.

Qaysaqlayır ruhumdakı dilək də...

Həsrət sanki. dərənin bir gicini -

Boğur hər an , göz-görəti bələkdə!..

...Çətinləşən durumum da, günüm də

Son ahıyla sənə tərəf əyilir...

Bir kitab var-"Ömür" adlı önümdə -

Orda yalnız Sənin adın deyilir!..