Bəhram Bilaloğlu - Salam, ey köçmüş adam...

Ədəbiyyat 22:01 / 28.08.2026 Baxış sayı: 730

Salam, ey köçmüş adam,

Köçənlərə salam de.

Çatdığın məkanlara

Ölülərdən kəlam de.

Saat əqrəbindədir

Cismə çatan nəfəslər.

Qorxulu şeytan deyil,

Qatil olur nəfslər.(i)

Dinməyin, danışmayın,

Haqqınızı almayın.

Kimsə haqqın alanda,

Saralmayın, solmayın.

Axı, ölü danışmır,

Nədir bunun bu sirri?

Qınaqda, qeybətdədir,

Güc alsın, olsun diri.

Dirilməyən ölülər,

Unutmaz tarix sizi.

Məkruh olan əməllə

Yaşatdınız bu izi.