Bəhram Bilaloğlu: - Ruhum budaq olar,sənsə qonan quş

Ədəbiyyat 15:06 / 09.05.2026 Baxış sayı: 1340

Ruhum budaq olar,sənsə qonan quş,

Dərdinə min əlac qılaram sənin.

Duama sığdırıb çətinlikləri,

Qəmini gözündən salaram sənin.

 

Müsafir kimidir sıxıntı,qəm də,

Yağan yağış kimi buxara dönər.

Naümid olmayan adamlar bilir,

Soruşsan deyərlər,kimdədir hünər.

 

Yaşa bu dünyanın haqq tərəfini,

Üzülmə, etdiyin hər nə vardısa.

Qaranlıq gecədən doğular səhər,

Günəş gözlərində səhnə vardısa.