İstəmirəm, bu dünyanın yükün çəkim…

Nəyə lazım, gecə gündüz dərdin çəkim…

Ölməzliyə sığınmışam, yol gedirəm bilməzliyə

Öz başıma oyun açıb, qorxuların rəsmin çəkim

Maddiliyin ədası var, nemətlərin cəfasında

Əməklərin sədası var, yalanların səfasında.

Ümidin də öz yeri var, ümidsizlik yuvasında

İnanmıram bacarmağı, var içində “yox”lar çəkim…

Həyat taxtı əyləşməyə çox uzaqdır,

Hər çətində, sıxıntıda həsrət dolu bir qucaqdır.

Gələnlər də, gedənlər də əvəz edir xoşbəxtliyi

Öz eşqimə şərik çıxım, qəlbimə bir məlhəm çəkim…

Nə söz deyim, nə danışım

Susqun susqun baxışlarla,

Bu günümə nağıl deyim.

Gələcəyə əl uzadıb,

Xəyalıma sığal çəkim.