İnsan doğulandan səfər eyləyir ,

Dünya ölümlərçün - son dayanacaq .

Ayrılıq əkilir hər gün torpağa ,

Ölümlər başdaşı doğurlar , ancaq .

Ətəyi gödəlib gecələrimin ,

Yuxum qaçaq düşüb , gözümdə yatmır .

Qanadı qırılıb dualarımın ,

Kasıb arzusu tək Allaha çatmır .

Qışda bəxti yatan o bənövşəni ,

Yüz bahar yığışa , oyadan deyil .

Alın yazısına qoşulub gedən

Gəncliyim bir daha qayıdan deyil .

Həya saxlayıblar bahar xanımdan ,

Geyib libasını lüm - lüt ağaclar .

Ölümü mələklər gətirir - şükür !

Payız mələk deyil - talayır- nə var !

04 . 07 . 2026

Türkiyə . Samsun şəhəri