Xəyalə Sevil : - Bir az xoşuna gəldim...

Ədəbiyyat 09:35 / 29.07.2025 Baxış sayı: 2073

Sözümdən, söhbətimdən,

Çıxardım ürəyimdən.

O gün səni düşündüm-

O gün qapını çırpıb

Çıxardım ürəyindən.

 

Etdiyin qürur da tanış,

Görməzdən gəlməyin də.

Yenə ən yaxşısını

"Sən bilirsən", cığal uşaq,

Qal elə bilməyində.

 

Bir az xoşuna gəldim,

Bir az ağlını aldım.

Gərək bağışlayasan,

Məni unutmaq üçün

Bir az vaxtını aldım.