Fərhad Tapdıqoğlu : - Yol

YAZARLAR 09:21 / 10.07.2025 Baxış sayı: 1160

 

                                                              (hekayə)

Evindən çıxdı,yol aldı doğma kəndinə...Kəndləri rayon mərkəzinə yaxın idi. Piyada yol getməyi xoşlayırdı xanım.Yol da ki, düz yol,asfalt yol dörd yol-a qədər...Bir nəfər də ona qoşuldu.Bir yerdə yol aldılar,yol-landılar...

Qadın ona qoşulan yol yol-daşına dedi:

-- İşdə rəis mənnən yol-a getmir,məni yol-a vermir.

Amma mən hamıynan yol-a gedən adamam...

Yol yol-daşı dedi:

-- Dil tapasan gərək.Amma məni işdə yol-a verirlər.Təbii ki,mənim rəisimin öz " kruqu" ,öz yol-daşları var və olmalıdır da.lakın biznən yol-laşır.

Bilirsən hərənin öz iş prinsipi,öz yol-u var.Sizin rəisin rəhbər kimi öz yol-u var,bizim rəisin öz yol-u...

Bir az gedək yol-da sənə bir yol-daşdan danışacam...

...İkinci yol-daş yol-da ayaq saxlayıb, söhbətinə davam elədi:

---O günü qonşu, marketdən gələndə başqa bir qonşu onun qabağını kəsib deyir ki,bəs "bilirsən ,filankəsin qızı pis yol-dadır."

Qonşum davam elədi:

--Dedim ki,özünün seçdiyi yol-dur ,özü bilər.

Qonşunun uşağı ilə bizim uşaq yol-a getməyib ,dalaşıblar.Qonşu arvad məni yol-da tutub deyir ki, " oğluna denə ,mənim oğlumun yol-undan çəkilişin"

Mən dedim: " Qoy sənin oğlun mənim oğlumun yol-undan çəkilsın." Sporraşdıq"...İstədim əl atam onun pırpız saçlarını yol-ub,yıxam yol-a."

" Lənət şeytana " deyib ,öz yol-uma davam elədim...

...Birinci qadın dedi: "Gəl gedək,yol-çu yol-da gərək".

Söhbət uzun yol-u qısaltdı.Dörd yol-da yol yol-daşı olan xanımlar sağollaşıb ,ayrıldılar...

... Daş yol,ardınca torpaq yol gedib kəndə çıxırdı.

Birinci xanım ,yol-una davam edərək ,gəlib kəndə bacısı gilə çatdı.

Görüşdülər,öpüşdülər...

Kənddə yaşayan bacısı beçə xoruzun birini tutub, qonşunun uşağına kəsdirib,yol-mağa başladı.

Şəhərdən gələn bacı yol yol-daşı olan xanımdan bacısına danışdı...

Kənddəki bacısı isə bir az öncə televizorda baxdığı "Yol əhvalatı" kinosundan söhbət açdı...

Şəhərdən gələn bacı İsmayıl Şıxlının "Ayrılan yol-lar" romanını dünən axşam bir daha oxuyub qurtardığını dedi,sonra kənddə məktəbə getdiyi yol-ları xatırladı...Riyaziyyatı yaxşı bildiyindən məsələləri qısa yol-la həll ediərdi. Həmişə bir yerə gedəndə uzun yol-la deyil, özünə kəsə yol seçib gedərdi.

Bacılar mehriban bacı olublar.

Amma kənddə bir ailə vardı.Böyük bacı kiçiyinə "ot yol-dururdu"...

Ancaq bu bacılar kövşəndən süpürgə,çalğu üçün şaxlar, yovşan kolları yol-ardılar...

Kənddə yaşayan bacı dedi:

--Allah hər kəsin yol-unu açıq eləsin.Yol gəlmisən bir az dincini al,samovar qaynasın,dəmləyib ,sənə çay süzəcəm.Beçəni də indi yol-um qutarım,qızardım,yeyərsən.

Şəhərdən gələn bacı birdən pıqqıldadı.Kənddə yaşayan bacı gülməyinin səbəbini soruşdu.

--Heç,sən beçəni yol-anda yadıma Feyzbukda oxuduğum bir yumor düşdü...Müəllif yazır:

" Toydan bir neçə ay keçəndən sonra qayınana ilə gəlin " saç-yol-duya" çıxdıqları zaman səslənən mahnı:

"A yol-du, yol-du, yol-du...

Görək kim- kimi yol-du"..."

Kənddəki bacı da gülümsədi.

Bu da oldu şəhərdə yaşayan bacının kəndə getməsindən bir kiçik hekayət.

...Vallah yol-du da,uzanıb gedir.Qovuşan yol-lar da var,ayrılan yol-lar da, qovuşub sonra ayrılan yol-lar da... Nəbi Xəzri demiş,"Nə gözəl qovuşur yol- lara yol- lar". Hələlik uzanıb gedir yol-lar...hələlik ...