Elnur Uğur Abdiyev : - Varım Tanrı dağlarına.

Ədəbiyyat 08:21 / 28.04.2024 Baxış sayı: 4270

Götürüb ruhumu gedim,

Varım Tanrı dağlarına.

Ruh çiçəktək qonsun göyün,

O bulud budaqlarına,

 

Günəşi öpsün bu şeir,

Ruhumdan süzülüb gəlir.

Yeddi qat səmanın bir-bir

Eşq doğsun otaqlarına.

 

Bitdi kirayəm mən gedim,

Nə aldım,verəm,mən yetim?!

Qoy gedişimlə gen edim,

Yeri göy qonaqlarına.

 

Qəlbi acıdır eşq acım,

Yaramı duatək açım,

Sinə dağlarından qaçım,

Varım Tanrı dağlarına.