Saqif  Qaratorpaq - Səsin asta- asta

Ədəbiyyat 10:43 / 16.11.2026 Baxış sayı: 827

***

Səsin asta- asta

Dolur otağıma,

Buz yatağıma.

Soyuq divarlar isinir

Səsindən...

Hara qoyum səsini mən?

Bir az uyusun,

Dincəlsin.

Səsin elə həzin,

Elə zərif,

Elə kövrək...

Hələ yazılmayan,

Könlümdə çırpınan

Şeirtək.

Misra-misra hopur

Canıma,qanıma.

Səsin elə yaxın,

Elə doğma.

Bu gecə bilsən

Neçə darıxmışam,

Səsini qucaqlayım yatacam...