Saqif  Qaratorpaq  -  Mən hələ ürəkdə çiçəklər açan

Ədəbiyyat 20:35 / 26.10.2026 Baxış sayı: 301

***

Mən hələ ürəkdə çiçəklər açan,

Varağa köçməmiş təzə şeirəm.

Bir tut ağacının kölgəsi altda

Uyuyan sukuta layla deyirəm.

 

Nərgizin şeh düşən ləçəyi üstdə

Gecə güzgülənən Ay işığıyam.

Ayaq izlərini küləklər öpən

Gözütox,könlüac kənd uşağıyam.

 

Yolları bağrının başından keçən

Kövşəni saralan bir düzəm indi.

Görünməz sahili səssizliyimin,

Dumana bürünmüş dənizəm indi.

10.08.2025.