Saqif Qaratorpaq - Hərdən mənasını itirir hər şey,

Ədəbiyyat 09:35 / 26.12.2025 Baxış sayı: 1293

 

Hərdən mənasını

itirir hər şey,

ölüm də,olum da

gözümdən düşür;

Çıxır axırıma bu xırdalıqlar.

Sıxır ürəyimi bu xoş qılıqlar.

Bir şirin tərif də

ağrıdır məni,

Qaçmaq istəyirəm

özüm özümdən,

Sığınıb içimdə

bir tənhalığa,

Buraxıb başını

şerin-sənətin,

Unudub keçmişi

bircə anlığa...

Unudub həsrəti, unudub qəmi;

Aşırıb çiynimə

köhnə heybəmi,

Çıxıb sonsuzluğa

gedən bir yola,

getmək istyirəm...

Nə olar,olar...