Şakir Xanhüseynli - ÇİNARIN, QOVAĞIN KÜL KÖLGƏSİ

 

Ədəbiyyat 14:51 / 12.05.2026 Baxış sayı: 172

 

Hər şey sanasan yanıb,

bir ovuc kül topasıdı bu boyda yer üzü

lili, durusuyla,

yaşı, qurusuyla...

Yüz qatlı göydələnlər,

dəmir çardaqlar,

polad dayaqlar,

beton "ayaqlar" kül topasıymış, kül,

başı buluda dəyən

dağlar kül topasıymış...

Gecələr də ulduzların, ayın işığı deyil,

külü səpilir üstümüzə, bil...

Döyünür, döyünür

ürəyimiz kül,

gəlir süfrəyə çörəyimiz

kül kömbəsi.

çinarın, qovağın kölgəsinə bax,

kül kölgəsidi, kül kölgəsi.