(Arxiv şeirlərindən)

O eşqin yolunu yadırğamaram,

Arxanca tənəli söz yağdırmaram...

Nə qədər olsa da yenə yarağam,

Sənin ünvanına, sənin adına.

Fürsəti əlimdən buraxmağımla,

Bahar yarpaq-yarpaq köçüb bağımdan...

Sənə toxunmayıb bir barmağım da,

Ölümdən betərdir ləkə qadına...

Qolundan tutanla get yanaşı gəz,

Daha ümidimin kəndirini kəs...

Oduna alışıb yandığın o kəs,

Kaş ömürlük yansın sənin oduna.

Ağlımın səsini dinləməliyəm,

Arxanca xoşbəxtlik diləməliyəm.

İstəyimi daşa dirəməliyəm,

Bir daha salmasın səni yadına...

1978